ZUINGENRUS Theodorus

ZUINGENRUS Theodorus

Iacobi ex Iuditha Brandia fil. Theologus Basiliensis incomparabilis. Natus A. C. 1597. ex voto Parentis, sacro admotus studio, miros in illo mox progressus, in Athenaeo Patrio, fecit. Praestantissimos dein in Palatinatu, Belgio, Anglia et Gallia Theologos docentes audiit: inde per Genevam domum reversus, acri desideriô Dordracum sacramque Theologorum ibi congregatorum panegyrin visendi ardens, Ecclesiasticae vocationis vinculis retentus est, A. C. 1619. In qua, dum maioris minorisque Urbis Ecclesias sollicite aliquandiu pavit, Iohanni Wollebio quinto Ecclesiae Antistiti, A. C. 1629. pie defuncto, in primariâ statione surrogatus, pietatis, doctrinae, prudentiae, candoris, cloquii exemplar emendatissimum, Maiorum splendori magnorum in Ecclesiam meritorum gloriam, fluctu veut reciprocante, adiecit. Obiit A. C. 1654. Pater Iohannis, ex Magdalena Buxtorfia. Eius exstant: Theatrum Sapientiae caelestis: Analytica recensio Epistolae ad Romanos: Syntagma Exercitationum selectarum, a filio editum, etc. Ei successit Lucas Gernlerus.